F1: Фетел и Ферари победници во Австралија
Објавено на 25/03/2018 | АВТО МОТО

Себастијан Фетел кај возачите и Ферари кај конструкторите се победниците на првата трка сезонава во F1 која утрово се возеше во Мелбурн, Австралија. По 58 извозени круга, Фетел со време од 1:29:33.283 и предност од +5.036 пред Хамилтон кој стартуваше од пол позицијата, заврши на првата позиција. Возачот на Mercedes иако стартуваше од пол позицијата сепак не успеа да ја задржи таа предност. Фетел и Хамилтон на првите две позиции завршија пред финецот Раиконен кој со своето Ferrari заврши на третата позиција со заостанување од +6.309 во однос на победникот Фетел. Ваквиот ранг овозможи да и Ferrari како конструктор ја забележи првата позиција и запише 40 поени на своето конто.

Одлично возење имаше Рикијардо од Red Bull – TAG Heuer кој иако стартуваше од 8. позиција на крајот заврши на 4. позиција со нешто повеќе од 7 секунди заостанување во однос на Фетел, но и 20 секунди пред Фернандо Алонсо кој заврши една позиција зад него. Во продолжение е прикажан комплетниот пласман на оваа прва трка сезонава.

Поз. Бр. Возач Конструктор Круга Време Ст. поз. Поени
1 5 Germany Sebastian Vettel Ferrari 58 1:29:33.283 3 25
2 44 United Kingdom Lewis Hamilton Mercedes 58 +5.036 1 18
3 7 Finland Kimi Räikkönen Ferrari 58 +6.309 2 15
4 3 Australia Daniel Ricciardo Red Bull Racing-TAG Heuer 58 +7.069 8 12
5 14 Spain Fernando Alonso McLaren-Renault 58 +27.886 10 10
6 33 Netherlands Max Verstappen Red Bull Racing-TAG Heuer 58 +28.945 4 8
7 27 Germany Nico Hülkenberg Renault 58 +32.671 7 6
8 77 Finland Valtteri Bottas Mercedes 58 +34.339 15 4
9 2 Belgium Stoffel Vandoorne McLaren-Renault 58 +34.921 11 2
10 55 Spain Carlos Sainz Jr. Renault 58 +45.722 8 1
11 11 Mexico Sergio Pérez Force India-Mercedes 58 +46.817 12
12 31 France Esteban Ocon Force India-Mercedes 58 +60.278 14
13 16 Monaco Charles Leclerc Sauber-Ferrari 58 +75.759 18
14 18 Canada Lance Stroll Williams-Mercedes 58 +78.288 13

Alfa Romeo Sauber тимот немаше толку славно деби. Трката ја заврши само Леклерк кој заврши на 13. позиција додека неговиот тимски колега поради технички причини трката ја заврши уште во 5. круг.

Во однос на генералниот пласман кај возачите, на првата позиција е Фетел со 25 поени пред Хамилтон кој има 18 односно Раиконен со 15 поени. На 4. позиција се наоѓа Рикијардо со 12 позиција, а една позиција подоле Алонсо со 10 поени. Како што споменавме и претходно, во конкуренцијата на конструктори првата позиција ја освои Ферари и со тоа освои 40 поени пред Мерседес кој има 22 поени, два повеќе од Ред Бул на третата позиција односно 10 во однос на МекЛарен на 4 позиција.

Следната трка на програмата е на 8 април кога е закажана трката за големата награда на Бахреин.

Веста е преземена од AutoKlub.mk

Тагови